仲有唔夠兩日48小時就要召開7.13週年業主大會，2支差不多成$7000萬嘅大標就要由出席嘅業主揀選。然而今次管理處嘅籌備就問題多多！
非住戶嘅業主喺呢一兩日先收到開會通知，郵截係7月4日但係通告就6月29日已經喺園內入哂信箱。
部份業主係園內嘅住戶收唔到開會通告或者部份候選人宣傳單張。
而重中之重嘅AGM 投票資料特刊竟然喺主席及委員催促下仍然遲遲未有印備好入信箱，事前又冇按譚太建議搞承辦商簡介會，係咪想業主到場求其揀？抑或揀都冇得揀？
可能係管理處聽到大家嘅呼喚，今日傍晚終於貼左幾張零碎的「回標分析」喺寶翠會10樓。而家由譚太以佢所知嘅再做一個二次「譚太獨家回標分析」比大家參巧。歡迎留言或私信討論。
至於譚太嘅抉擇， 會喺收妥埋核數師回標分析時一次過同大家分享。
2023年7月11日
5座譚太 