保安👨‍✈️👩‍✈️及清潔🧹🧺6000萬合約正在招標，點解又關你同我嘅事❓

2個總值超過6000萬佔屋苑年度總支出逾三成嘅嘅外判保安同清潔合約正在「公開」招標。作為業主住戶，呢個係關乎日常民生嘅支出使費，100％由業主住戶出錢💸，我地掏腰包埋單嘅都唔關心，你估邊個會最關心呢？🤔

⬆⏏喺屋苑管理處攞標書，點解投標書就要交返去上環信德？建管條例344工作守則都有指明規範，點解呢度明明有地方都可以唔跟？

除左係全屋苑其中最大嘅民生支出之外，管理公司仲可以從中直接抽取5％即300萬嘅經理人酬金，而外判商服務質素嘅優劣絕對同屋苑整體形象、租值及樓價掛鈎。 大嗱嗱6000萬嘅管理費支出，大家應該要問：

🙄究竟咁大嘅支出係咪使得其所，係咪物有所值❓

🙄究竟今次招標會唔會吸引到多D有質素同誠意嘅承辦商入標❓

🙄係咪真係比業主篩選投票揀選❓抑或只係走流程其實內定冇得揀❓

🙄即使換左，係咪只係換左承辦商個公司名，而留低原班駐場管理人馬繼續喺度我行我素揸fit話事❓

做得好嘅就話啫，唔好嘅就陰雲不散，住户又要捱多2年低質管理，錢使多左又勞氣眼冤，真係要昅實👀D呀！

⬆⏏ 自己唔理唔揀，自然有人幫我地揀… 5月23日截標，提名要盡早呀!

氣動不如行動

關心屋苑嘅業戶經常問譚太仲可以做D乜去改變現狀🤷‍♀️🤷‍♂️。其實除左密切留意🔍招標程序同後續發展之外，大家亦可以喺下面留言區提名有質素嘅承辦商比管理處跟進邀標。5月23日下午5點鐘就截標，有提名嘅就最好喺星期一（5月15日）前講低喇！標書內容可以喺辦公時間內去一座嘅管理處翻閱或通知合資格嘅承辦商根據招標公告內容要求向管理處索取。🏃‍♀️🏃‍♀️

＃唔急但要快
＃氣動不如行動
＃換制服換唔走管理文化壞習慣
＃最近四個月短期保安合約招標只得現役國際警衛一間合資格回標
＃態度照舊硬食一成加幅又冇得揀

2023年5月13日