管理處建議2023管理費上調7％，是否加得其所？

14日諮詢期嘅通告都出咗，業主住户仲可以做D乜？

預算案制定程序

大家有冇諗過，寶翠園業户個個都定時定候交管理費：會所使費又係用住宅部盈餘每年補貼；園內嘅一兵一卒, 一草一木， 人工燈油火蠟全部都係用緊我地嘅錢；每年仲要額外自動上繳信德5％ 即400幾萬嘅經理人酬金，作為預算案嘅持份者，我地只有喺管理處做好哂個預算案之後，先喺14日嘅諮詢期內發表意見，係咪好荒謬？！

連業委會都冇預先諮詢就做左一個「冇得改」嘅預算案出黎比委員「審閱」，咁又有乜意思呢？

14日諮詢業戶意見

根據寶翠園大廈公契3.4.1 b (iii) 段，公契經理人必須將年度管理預算案副本發送或展示於大堂並邀請每位業主就預算案內容給予意見。呢個係大家作為業主 表達意見嘅權利，一年一度，千祈唔好錯過！管理處嘅電郵係： info@belchermo.com.hk

預算案解讀

雖然最低工資嘅上調有助改善低收入仕生活質素，大部份業主亦都唔係介意加幾個百份點嘅管理費，問題係喺加價嘅同時，管理處喺成本節約呢方面，又做過D乜嘢？提供嘅服務有冇同時提昇，抑或更差？經過去年同樣7％的加幅，同埋呢一年經歷管理處不斷嘅人事變動，相信大家應該心裡有數吧！

喺未來2星期直至預算案諮詢期11月22日(週二)完結之前，譚太會將預算案中嘅重點項目，不定時為大家解構說明，務求大家喺14天諮詢期完結時對於未來一年的使費用度預算有深一層瞭解，方便向管理處提出自己嘅意見。

2022年11月10日

*****